Wednesday, January 28, 2009

മലയാളം വാരികയില്‍ നിന്നും...

"രാഹു വിന്റെതിനേക്കാള്‍ വലിയ വായ മിത്തിനുണ്ട്.
തീവ്രവാദിയോ ഭീകരവാദിയോ പുനരുത്ഥാന വാദിയോ
ഗ്രൂപ്പുവാദിയോ മര്‍ദ്ദകനോ പുരോഹിതനോ ആയി
ആ വായ തുറന്നു വരും.
അതില്‍ നാം നരകത്തീയില്‍ എരിയുന്ന നമ്മെക്കണ്ട്,
ഉറ്റവരെക്കണ്ട്, ഞെട്ടും.

ഏത് ഞെട്ടലുമായും നാം ഇണങ്ങും... വേഗം,
വീണ്ടും ഞെട്ടും.
മരവിപ്പ് ഭാവുകത്വത്തെയോ
മറവി ബോധത്തെയോ വിഴുങ്ങും വരെ.

എങ്കിലും ഒന്നിനെയും മുഴുവനായി വിഴുങ്ങാന്‍
മിത്തിനാവുന്നില്ല..."


കെ ജി ശങ്കരപ്പിള്ള; 9 ജനുവരി 2009; പഴയ ആലിന് വലിയ തണല്‍ (ലേഖനം); മലയാളം വാരിക; പുസ്തകം 12 ലക്കം 33 pp 54-55.

Wednesday, January 21, 2009

നിളേ നിനക്കായ്...

കുറെ നാളായി മനസ്സില്‍ പുഴയാണ് ...
അരുവി പോലെ നിര്‍ത്താതെ ഒഴുകുന്ന പുഴ...
പക്ഷെ മനസ്സോളിക്കുന്നത് നിളയിലാണ്...

നിയോഗം ഒഴുകാനാണെന്കിലും ഒഴുകാനാകാതെ നിള

ചിലപ്പോള്‍ തോന്നും
കട പുഴകിയ പുഴയാണ് നീയെന്ന്‌
(കട പുഴകി വീണ വൃക്ഷം പോലെ)

അല്ലെങ്കില്‍ കുരു സഭയില്‍ വിവസ്ത്രയാകേണ്ടി വന്ന പാന്ജാലിയുടെ
ഒരു നിയോ റിയലിസ്ടിക് പ്രതിബിംബം ...?
ഭാരത കാലം അല്ലാത്തതിനാല്‍ കൃഷ്ണനില്ല
രുധിരം പുരണ്ട കൈകളുമായി വരുന്ന ഭീമനുമില്ല ഇവള്‍ക്ക് കാത്തിരിക്കാന്‍

എങ്കിലും
മഴയുടെ ശമന താളത്തില്‍
വര്‍ഷത്തില്‍ ചിലപ്പോളെങ്കിലും
നീ പാണ്ടവ പത്നിയായി പകര്‍നാടുന്നു
ദുശ്ശാസന രക്തത്തിനായി വിളിച്ചു കേഴുന്നു

എങ്കിലും
പുഴയെന്നാല്‍ ഇന്നും എനിക്ക് നീയാണ്
അഥവാ കുറ്റിപ്പുറം കഴിഞ്ഞു ത്രിശ്ശുര്‍ക്ക് പോകുന്ന വഴിയില്‍
പാലത്തിനടിയിലെ മണല്പ്പരപ്പാണ്...


നിനക്കൊന്നു കരഞ്ഞു കൂടെ
നിന്ടെ കണ്ണുനീര്‍ നിറഞ്ഞെങ്കിലും
രണ്ടു കരകളെ തൊട്ട്........
.....
.....
.....


ചിത്രത്തിന് കടപ്പാട്: As usual, Google image search...

Earth hour

മേതില്‍ മാധ്യമത്തില്‍ വാരികയില്‍ എഴുതുന്നതിണ്ടേ ഓണ്‍ലൈന്‍ എഡിഷന്‍ തപ്പി ചെന്നത് അവസാനം ഇവിടെയായിരുന്നു.....ചുണ്ടെലി കിട്ടിയെന്കിലും കുറച്ചു കൂടി interesting ആയി ഇതു തോന്നി അതുകൊണ്ട് തന്നെ ഇന്നു മുഴുവന്‍ ഇതിന് പിന്നില്‍ പോയി...നമുക്കും കൈ കോര്‍ക്കാം.....
ഒരു ജീവനുള്ള ഗ്രഹ ത്തിനായി (For a lining planet)


http://www.panda.org/about_wwf/what_we_do/climate_change/what_you_can_do/earth_hour/

Earth HourOn 28 March 2009 millions of people around the globe will unite for one hour and switch off their lights to show that they care about our living planet.

On this special night, the world will witness some of the most recognisable landmarks on the planet dim the lights in support of decisive action on climate change. Icons switching off include the world’s tallest hotel building in Dubai - the Burj Dubai, the tallest free-standing structure in the Americas - the CN Tower in Toronto, Moscow's Federation Tower and in Rome - Quirinale - the official residence of the President of the Italian Republic, Giorgio Napolitano.Auckland's Sky Tower - the tallest tower in the Southern Hemisphere will go dark, joined by Australia’s iconic sails of the Sydney Opera House and across in Cape Town, South Africa, the iconic Table Mountain will mark Earth Hour by turning off its flood lights. Cities already listed to participate in Earth Hour 2009 include Cape Town, Chicago, Copenhagen, Dubai, Hong Kong, Istanbul, Las Vegas, Lisbon, London, Los Angeles, Manila, Mexico City, Moscow, Nashville, Oslo, Rome, San Francisco, Singapore, Sydney, Toronto, and Warsaw.

For more details

Wednesday, January 14, 2009

കാലടിപ്പാടുകള്‍

മുന്നോട്ടു വെക്കുന്ന ഓരോ കാലടിയും
പിന്നില്‍ ഒരു കാല്‍പ്പാടുപേക്ഷിക്കുന്നു 
എനിക്ക് നടക്കണം
കാല്പ്പടുകളില്ലാതെ ...
ഈ കടല്‍ത്തീരത്തു കൂടെ
ആകാശം നോക്കി 
നിലാവുള്ള രാത്രിയില്‍...

പക്ഷെ ഈ പാടുകള്‍...
തിരിഞ്ഞു നോക്കുമ്പോള്‍ 
അവ എന്നെ ചിലത് ഓര്‍മപ്പെടുത്തുന്നു...
അതുകൊണ്ട് 
എനിക്ക് കാല്‍ പാടുകള്‍ പതിക്കാതെ നടക്കണം...



ചിത്രത്തിന് കടപ്പാട്:Google image search

Monday, January 12, 2009

വെള്ളത്തിനടിയിലെ മഷിത്തണ്ടുകള്‍...


ഒരു തിരി എരിഞ്ഞുകൊണ്ടിരിക്കുകയാണ്...
ഇന്നലെ പെയ്ത നിലാവില്‍ നിന്നാണ് 
ഞാന്‍ നിനക്കു വെളിച്ചം പകുത്തെടുത്തത് 
നിലാവില്ലാത്ത ഈ രാത്രി 
ഇത് ഞാന്‍ ഇന്നലെ സ്വപ്നം കണ്ടിരുന്നു.

എന്നുമെനിക്ക് സ്വപ്‌നങ്ങള്‍ കാണാന്‍ കഴിഞ്ഞിരുന്നെന്കില്‍...

ഒരു കടലാസു പൂവിലാണ് ഞാന്‍ നിനക്ക് 
ആദ്യമായി കത്തെഴുതുക...
ഈ തിരിയുടെ വെട്ടത്തില്‍...
ആ കത്ത് ഞാന്‍ ഒരു പെരുമഴയത്ത് 
നിനക്കു തരാം...

നിനക്കതുകൊണ്ട് ഒരു കടലാസു തോണി യുണ്ടാക്കാം
ആ മഴയില്‍ ഇറയിലൂടെ ഒലിച്ചിറങ്ങി എത്തുന്ന വെള്ളത്തില്‍
നമുക്കൊന്നിച്ച് തോണിയിറക്കാം...
വെള്ളത്തില്‍ ഇടുന്ന മാത്രയില്‍
ഇതെഴുതുന്ന മഷി പടരുന്നത് കാണാം.
മഷി പടര്‍ന്ന വെള്ളം തേവി വറ്റിച്ച് 
മഷിത്തണ്ടുകള്‍ പിഴുതെടുക്കാം 
ആ മഷിത്തണ്ടുകള്‍ കൊണ്ട് 
നമുക്ക് കുറിപ്പുകള്‍ മായ്ച്ചു കളയാം...

എന്നിട്ട് പുഴയില്‍ മുങ്ങി നിവരാം
ചുറ്റും ആളുകള്‍ തിങ്ങിപ്പാര്‍ക്കുന്ന 
ഏകാന്തമായ പുഴയുടെ ആഴങ്ങളില്‍
മഷിത്തണ്ടുകള്‍ തിരയാം

വീണ്ടുമെഴുതാനും മായ്ച്ചുകളയാനും...


കടലാസു തോണി യുടെ ചിത്രത്തിന് നന്ദി ഗൂഗിള്‍ ഇമേജ് സേര്ച്ച്...
 
Click here for Malayalam Fonts